حداد

كلنا خالد سعيد

طبعاً الجميع يعرف قصه خالد ومقتله (استشهاده) وللتكرار الملخص ...خالد ضحيه نظام فاسد متعسف مستخدماً قانون مفصل له بشع اقل ما يقال عنه انه قانون الطوارئ ..... هل يعقل ان بلد الامن والامان تعمل منذ 29 سنه وحتى الان بهذا القانون المفصل لهذا الرئيس؟؟؟؟؟ ولانه رفض التعامل معه بصوره غير لائقه ولآن هناك كلاب قررور ان يفعلو هذا به كان هذا ماحدث له ولآننى ارفض هذا ولا اريد ان يقرر مجموعه من السفهاء فعل هذا بى وبأى انسان على هذه الارض ....والمطلوب منى ان اخضع لهذا بكل سهوله لا..... سأقولها امام كل ظالم فى هذا البلد اى كان مركزه او سلطته ....قلناها من قبل للانجليز وكل من مر بنا من محتل قديماً والان قولناها امام سلخانه الداخليه فى لاظوغلى على مقربه منها وكنت بداخل هذه التظاهره التى اعتبرها اهم حدث فى حياتى بعد حدث انى موجود اساساً فى هذه الدنيا وان كان غير هام ....وقتها فقط شهرت بقيمتى كأنسان له حقوق وعليه واجبات حتى بعد احاططنا من قبل كلاب امن الدوله وعساكر الامن المركزى (الغلابه) لكن كان شعور مختلف على الاطلاق ..... مع اننى لاحظت شيئاً غريباً ولكنه موجود ان الداخليه والحكومه بصفه عامه لها اسلوب حياه فى كل شئ تفعله من تعذيب ومن كل شئ ضد الشعب حتى فى عمليه الاعتقال ولكن كل هذا التنظيم لا يوجد فى شئ يخدم الشعب ولا الوطن ...... كنا وسط مئات من زبانيه الداخليه وكان عددنا قليل نسبياً بالنسبه لهم لانها كانت منتشره بشكل واسع على محيط المنطقه وكانت تمنع حتى الماره من التجول حول هذه المنطقه لكن معرفش احنا جينا منيين؟؟؟ وكأننا اتينا من تحت الارض رغم كل هذا الحصار الا اننا جئنا وبشكل كبير من كل مكان وبدأت المظاهره ....(وعينك متشوف الا النور) وبدأ الهتاف بكل حماس من القلب يترجمه اللسان الى طلقات مدويه توجهه لكل ظالم على هذه الارض وشفقات لكل مظلوم ايضا على هذه الارض ولكن للاخر رأى اخر لابد ان نحترمه ولكن لا نخضع له .....كانو يضيقون علينا من جميع الاتجاهات مثل ما يعصر ثعبان الاناكوندا فريسته ولكن كنا نقاوم ونقاوم بشكل غريب ...وكانو يخطفون كل من يعتبرونه مصدر ازعاج فى هذه التظاهره وطبعاً كان فى زملا بسم الله ماشاء الله جبال والله ورجاله اوىىىى ......انا اتشرف بمعرفتهم حقيقى وكانت هذه المره الاولى لى ان اخرج فى مظاهره ولكن قبل هذا انا ايضا رافض هذا النظام.....ولم تكن لدى الخبره التى تكفى فى هذه المظاهره .......وكنا نعمل درع بشرى مضاد لدرع الامن المركزى المكون من ثلاث طبقات من العساكر خلف بعضهم ...وفجأه شعرت بيد خارجيه تمتد من بين هذا الكردون لتأخذ طريقها الى حزام بنطلونى وكانت عيزا (تكمرنى) وتسحبنى لبرا ......لم اكن اعرف ماذا يجب ان افعل فى هذا الموقف هل استسلم لهذ ولا ماذا افعل.. غير انى قلتلوا (اوعى انا معملتش حاجه ودفعت ايدوا بعيد عنى وطبعاً الزملا ما سبونيش) ولهم كل الشكر .....ودى كانت ايد كلب من كلاب امن الدوله .....والله فعلاً كان جبان اوى خايف مننا بمجرد دفع يده سحبها زى الكلب عشان هوا عارف لو مسكناه هنطلع ع تيييييييت امه ......... وكانو بعد ذلك يأخذونهم فى اى مكان بعيد بعربيه الترحيلات عن مكان المظاهره وبعد كده يسيبوهم بعد لما يقلبوهم طبعاً فى موبيل فلوس اى حاجه..... شوفتو بئى منهجيه الداخليه والحكومه فى التعامل معانا ازاى؟؟؟؟لم ارى بطوله فى كل ما قلتوا هذا على الاطلاق ولكن البطوله الحقيقيه هى خالد ...وهوا فعلاً خالد فى حياتنا وزى ماقال تشى جيفارا اننى احس على وجهى بألم كل صفعه توجه الى مظلوم فى هذه الدنيا فأينما وجد الظلم فذاك هو وطنى

حمدلله على السلامه ياريس (ارض النفاق)

جمله كلما مررت عبر قنوات الأثير وجدتها تترد بكثرة على لسان الجميع من يحب الرئيس ومن يكرهه ....... مع أنى واحد من الناس كنت أتمناه يصل في تابوت لأرض الوطن.وقتها فقط كنت أستطيع أن أقولها حمدلله على السلامة ياريس .... لماذا يحمدون الله على رجوعه هل وصل النفاق والخوف والفساد لهذه الدرجة ؟ لماذا دائما نعيش فئ دور المعطوف عليهم بكونه رئيسنا؟ هوا كان عملنا إيه ولا هيعملنا أيه؟ هل هو يقدر هذا ويعرف أن الله موجود وسيحاسبه هو وكل من يعاونه على ما يفعلون فئ الشعب المصري؟ هل يعظ من مرضه هذا ويعيد التفكير في أحوال أهل بلده؟ انأ لا اعتقد هذا....ومش عيزيين بئى الكلام الغريب اللي بيتقال أن الرئيس لا يعلم شئ عن كل هذا وان من حوله يحجبون رأيته عما يحدث...ده كلام فارغ أمال هو رئيس ازاى؟ كفاية بئى لحد كده أن مش عارف هو هيوعد أيه اكتر من كده......؟ أمال فين بئى الخروج الأمن من السلطة والكلام ده ولا الرئيس لايخرج من السلطة إلا عندما يغتال أو يموت وفى كلتا الحالتين سيقوم بتوريث حكمه لتابعيه . هو لا ينظر لكل مايحدث في البلد من فقر ومشاكل وعشوائيات وبطالة وكل شئ غير سليم يحدث في مصر ولا هو مفكر أيه بس؟ مفكر عمل أيه لمصر ولا يمكن بيحسب نفسوا مخليها أمريكا ولا حاجه وإحنا مش عرفيين

حكومه الاوميرتا

الاوميرتا: هي سياسه العاهرات في الحانات التي تتبعهن معظمهن في اخفاء شجاراتهن بسبب الزبائن مع بعضهن امام البوليس عندما يأتي ويسئل عن سبب الخلاف يتبعن سياسة الصمت في اخفاء الحقيقه وحتي لو تكلموا يكون الحديث منافي للواقع الذي حدث بينهم لانه نظام وضعه قواد الحانه ويتبعهوا كل من يعمل فيها من عاهرات وزبائن ,كلمه اطلقها الطليان علي هذا النوع من السياسات التى تتبع في الحانات ,وهذا بالضبط ما تفعلهوا حكومتنا هو تلك النظام الذى يتبعه قواد الحكومه وعاهراته سياسه الاخفاء والتستر على الحقيقه والصمت عندما يأتي الشعب فى ممثليه ليسأل ويحاسب وهذا نادر الحدوث عندنا يحدث ولكن يحدث بالشكل الظاهري فقط ,ويجد ان كل شئ قد سويا وكأن شئ لم يحدث مثل ما يحدث في جميع الجرائم التي يرتكبوها في حقنا نحن الابرياء , الذي يعجنا ان نكون ابرياء,مثل جريمه العباره عندما اتي ممثلي الشعب ليحاسبوا المخطئين وجدوا صمتاً مريعاً وكأن شيأ لم يحدث ولكن يسألوا ماذا كان سبب هذا الحدث يرد عليهم ويقال انه لم يحدث شيئاً اى ان الحادث قضاء وقدر وهذا النصيب الذى يرموا عليه كل بلاويهم ولم يتدخل احد به من قريب ولا بعيد , وبعد ذلك يرحل الشعب المسكين متيقن بحقيقه ما قيل له وانه لم يحدث شيئاً متعمداً رغم القتلي وهذا اكبر دليل علي انه حدث شئ عظيم ,مثل مايحدث في مشاجرة ويأتي المحقق ويجد المصاب فى دمه واثار الشجار عليهم ولكن يقال له مثلاً ان ديكور ما فى المكان وقع عليه فأحدث تلك الاصابات به بالرغم من ان هذا المكان لم يحوى اساساً تلك النوع من الاثات ولكن المحقق يدرك هنا انها الحقيقه الكاذبه ويرحل رغم علمه الكامل بالحقيقه الحقيقيه ,هذا ما يحدث معنا بالفعل او ما نحدثه نحن بأنفسنا ونصدقه ونرحل عنه ,حتي نشعر بالرضي بعض الشئ عن انفسنا امام الناس وهذا ينطبق بشكل كامل علي جميع الجرائم التي تحدث ونكون ضحاياها ,

عاهرتان يتشاجران بسبب زبون ونكون نحن الضحيه فى كل الاحوال لهذا النظام الذي نريده ان يحكمنا

يا ليت اولد من جديد

كم اتمني ان اولد من جديد في رحم جديد غير الذي كنت فيه وان اكبر واتربي على خيالي انا وانا لا اكون قطعه دميه يتحكم فيها والدي ويهيؤها كما يشاؤن كى يستطيعوا التحكم بها مستقبلاً كنت سأكون انساناً اخر غير الذي انا عليه الان سواء جيد ام سئ ولكن غير الذي يعيش الان بسؤه وخيره ايضاً ولكن الانسان يستطيع ان يبدأ من جديد وليس من الصفر ولكن المهم ان يبدأ حتى لو من اخر الطريق شريطه الا يدمر الجزء القديم من حياته نهائيا بكل ما فيه ولو انى اريد ان افعل هذا او ادمره بكل مافيه من احداث واشخاص اقارب ام غرباء حتى انا اريد التخلص من داخلي .....كم هوا قاسي ان تلجأ للتفكير بهذه الصوره البشعه لحياتك

سياسة التطفيش

هي سياسة ليست بجديدة على كافة الحكومات التي توالت على حكم مصر....هم يريدون تطفيشنا من بلدنا وهما فعلاً نجحوا في ذلك بشكلً كبير حتي الأن .......استهدي كدة بس بالله وقولي ايه مشكلتك ومالك مغمئها كده ليه؟؟ الاول انتا مين ؟؟؟مش مهم انا مين ...طيب بص يااا مش مهم انتا مين ...بجد انا قرفت اوى من العيشه فى البلد دى يعنى انا ساكن فى الهرم وتعتبر منطقه راقيه بعض الشئ لكن الحقيقه غير كده خاااالص.....الحقيقه يا استاذ ....ان يعتبر بشكل يومى الميا او الكهربا مقطوعه يا كهربا يا ميا ... حاجه من الاتنين ....قمه الممل عندما تجلس فى مكان من وقت مخصص للجلوس فى البيت بعد وقت الشغل ....وانتا اعد من غير لا ميا ولا كهربا اعد مش عارف تعمل اى شئ ولا تذاكر ولا تصلى ولا تخش الحمام ولا تخش النت حتى ده كمان هيبئ محدود لاقصى حد ودخل من ضمن تلك السياسه القذره الذى يتبعها نظام أقذر ما يكون ....اعد مستنى الفرج اقصى شئ ممكن تفعلوا هوا ان تنظر الى الشمعه وتنتظرها حتى تنطفى...وتيجى تفكر فى بعض الحلول الديمقراطية لك وتتجنن وتتصل بالاعطال ...يا يكون مشغوووول او لو رد عليك يقولك اه حضرتك اصل ضغط الميا شديد جداً فأحنا اضطرينا نقطع الميا عشان نقلل الضغط والكهربا نفس الكلام ....دى بالذمه ردود وزارات مسئوله وحكومه تحمل بعض المسؤليه من شعبها ....عن التخطيط بكل هذا ما يعملوا شبكات مياه وصرف صحي ويزودو الميا لا يقطعوها ....وبدال مايزودو المحولات والكهربا اللى حسن افندى يونس عمال يصدرها برا ....ويعملوا محطات لا يقطعوها ....مواصلات ,خدمات ,صحه ,معامله.....الخ كل حاجه زفت .... مفيش اى نوع من الرفاهيه اللى احمد بيه فقر (عز) بيقول عنها وهوا ان الشعب المصرى يعيش حياه فى منتهى الرفاهيه...كل ده ميخليش الواحد يهج... mocca

الموت في شربه ميه

كثيراً ما كنت أسمع هذا المثل المصري في مواقف عدة مع أختلافها …..ولكن عندما فكرت فيه وربط بينه وبين الحدث الحالي الذي نعيش فيه ألا وهوا تلوث مياه النيل …عرفت هنا مدي مصداقية هذا المثل في انطباقه على هذا الحدث…..الموت من شربة ماء يعنى الواحد وبكل بساطه عندما يجف ريئة ويحتاج لكوب ماء ويشرب ويروى عطشه.... ولكن لا يعرف ما بداخل تلك المياه والميكروبات التي بداخلها يعني الواحد ممكن يموت في شربه ميه….مئات المصانع التي ترمي بمخلفاتها القذره فى مياة النيل اللى إحنا بنشرب منه…..معلش هأخذكم في جوله سريعة إلى معمل هندسة وإدارة البيئة ….الدكتور عندنا قام بأحضار كوب من المياة وبدأ بعمليه تنقيه مياه تلك الكوب وبعد أن أنتهي من عملية التنقية وجدنا أن الماء النقي من كل هذا الكوب إختزل الي كمية ضئيلة جداً في حجم كمية غطاء الزجاجة هذه هي الكمية الصالحة للشرب والباقي كلة أمراض وبلاوي زرقا …… ومن المعروف علمياً انه عندما يكون فى المياه مادة كيميائية واحده فأنه يمكن فصلها ….مادتين تصعب قليلاً ولكن يمكن معالجتها …..ثلاثة تصعب أكثر و أكثر …..الخ ومن المعروف أيضاً أن عملية التنقية التي بموجبها لو تمت فى محطات صرف تلك المصانع هي مكلفة جداً فبعض المصانع تستخسر إنها تعمل كده وتقوم تستهل وترمي فى النيل دون تنقيه ولا أحزنون فين بئي دور الحكومة من دا كلة….بتسن القوانين وتشدد العقوبات …طظ….يا فرحتي…وبعدين مفيش حاجة بتحصل المصانع شغالا زى ماهيا ومفيش مشاكل عندهم لو كان في مثلاً تفتيش من وزارة الصحة على تلك المصانع يقوم أصحاب المصانع برشوه المفتشين أصحاب النفوس الضعيفة حتي يقوموا بكتابة تقارير سليمة عن تلك المصانع…… وهذا يعتبر غياب صريح لدور الدولة.. اصل هما مش فرقا معاهم دول بيشربوا ميا معدنية…..وإحنا بئي مش مشكلة نموت نمرض مش مهم والله العظيم أنا أتعقدت بجد من الحكومة الزبالة دى وكل حاجة دلوقتي أصبحت ملوثة ومليئة بالأمراض …..هي الناس دي متعرفش ان في ربنا وهما هيتحسبوا علي النصايب اللي بيعملوها دي ؟؟؟؟؟ mocca

من قانون الطوارئ لقانون مكافحه الإرهاب يامصرى لا تحزن

منذ اغتيال السادات وتولى مبارك الحكم حتى الان لايزال وجود هذا القانون الجائر ...قانون الطوارئ॥الذى يبيح لسلطه الدوله التنفيذيه والتى تتمثل فى الشرطه وأمن الدوله والمخابرات ....بإعتقال اى شخص يشتبه فيه؟؟ولكن ماهو الاشتباه من وجهه نظر الحكومه؟؟؟؟وماهى منظومه التحرى والاشتباه والاعتقال التى تتبعها الحكومه؟؟وهل تفرق بين شخص واخر فى عمليه الاشتباه والتحرى؟؟؟وهل المشتبه فيه ده له مواصفات خاصه؟؟؟؟اسئله كثيره لا أحب ان اتطرق إليها عشان كلنا عرفيين إيه اللى بيحصل فيها وبتنفذ إذاى....هذا القانون تم العمل به بعد اغتيال السادات وبدايه ولايه مبارك وحتى الان لمواجهه الارهاب كما يدعون..........27عام ولم يتوقف الارهاب فى ظل هذا الفرمان....وعندما حلت بنا الانتخابات الرئاسيه الاخيره اتخذ الرئيس مسلكاٌ فى برنامجه الانتخابى وهو وقف العمل بقانون الطوارئ....ولكن لم ينفذ إلا بعد الانتخابات بحوالى 4سنوات وهوا ماأعلنته الحكومه امس عن إلغاء قانون الطوارئ فى مارس القادم 2009.....ومنذ حوالى سنتين قد اعلنت الحكومه مد العمل بهذا القاون لعامين قادمين وهذا مايتيح لها مزيد من فرض سلتطها وقوتها وبسط يدها على الناس......وبعد هذا الاعلان مباشره كتبت وقولت واجتهدت......ان بعد ما الحكومه تمد هذا القانون لابد من وجود عمليات إرهابيه حتى يكون لها الحق فى العمل بهذا القانون وان البلاد فى حاله طوارئ فى اى وقت وقولت فى ذلك الموضوع ان العادلى هيطلع فى كام حديث كده ويقول تم القبض على كام خليه إرهابيه وإحباط مخططات إغتياليه......وبالفعل ظهر العادلى وقال ظبطنا خليه إرهابيه مكونه من عده افراد....تيقنت هنا ان كلامى واجتهادى فى تلك الموضوع كان صح والحمد لله....نسيبنا بئى من قانون الطوارئ اللى هيغور كمان شهر ونخلينا فى الضيف الجديد اللى جى وهو( قانون مكافحه الارهاب) الذى يعتبره الكتيرون اكثر قسوه وجبروتاً من السابق....هذه هى الاشياء الوحيده التى تفكر وتخطط الحكومه لبديل لها ....غير اى قرار اخر وهنا فكرت الحكومه فى قانون اخر بديل للطوارئ كى تلغى هذا وتضيف ذاك.....لكن فى مسئله أخرى لا تخطيط لادراسه لا شئ........أحداث الحسين اللى لسا حصلا قبل مكتب هذا الموضوع بحوالى 5ساعات كده.....وإن كنت اشك ان هذا الحادث مدبر من قبل الحكومه كى يكون لها الحق بالعمل بالقانون الجديد وطبعاٌ مفيش إرهاب اكتر من كده ......بس كانوا يستنوا شويه ....مش يعلنوا عن إلغاء الطوارئ امبارح ويحصل إرهاب انهردا

mocca

قانون الاعاره والتأجير بين الحرب العالميه الثانيه والان

فى أذار1941من الحرب العالميه الثانيه أقر مجلس الكونغرس هذا القانون الذى ينص على" السماح لرئيس البلاد بإقراض أو تأجير المواد المطلوبه وبمنح التسهيلات اللازمه لكل امه يعتبر الدفاع عنها شيئاً اساسياً لأمن امريكا وسلامتها" وهذا القانون عندما كانت بريطانيا فى دماغ هتلر وكان هيحربها وبعد كده فعلا حاربها......إحنا بنقول الكلام ده ليه؟؟ لان امريكا فى هذا الوقت كانت ترى أن أمنها وسلامتها من أمن وسلامه بريطانيا وفرنسا ولكن فرنسا لم تنجى من الحمله الهتلريه وان الهجوم على تلك الدول معناه الهجوم عليها لاحقاً...ولكن الان فى هذا السياق؟؟؟؟؟ امريكا تمد اسرائيل بكافه أنواع الاسلحه والمعدات وكل شئ تحتاجه...... وعلى الجانب الاخر من نص القانون أنه" يحق لكل أمه الدفاع عن نفسها" .....اما نحن بسبب كام ممر كده وحبت أسلحه تعبانه بنوديها فى السر لمجاهدين فلسطين أمريكا والدنيا تعوى وتصيح.....يعنى دول حلو ليهم الاسلحه وكل حاجه تروحلهم علنى وبكل بجاحه.....عادى عشان يدفعوا عن نفسهم....لكن احنا؟؟؟ طيب مهو كلو عارف ان مصر بتدى الاسلحه لفلسطين وامريكا واسرائيل عرفين.....ولو مكنتش مصر هتبئى مين؟؟؟ من اسرائيل مثلا؟؟؟ ولايمكن بتتزرع؟؟؟ وليه مصر كمان بتنكر ده من خليها علنى كده وببجاحه زيهم ....ولا هيقولوا عشان (كالب ديفيد) والكلام التعبان ده.......

mocca

الرئيس السفير

هل انحصر دور الرئيس كسفير خارجى؟؟؟؟

وما هى مهام رئيس الجمهوريه ؟؟؟؟؟؟

هل مهام الرئيس تستوجب ان تكون خارجيه فقط؟؟؟

إن الاداء السياسى لرئيس الدوله اختزل فى علاقات سياسيه خارجيه تبدو فاشله فى معظمها......وأخلى مسؤليته تماما من المشاكل الداخليه التى تحدث لشعبه وكأن هناك رئيس اخر لمصر يرعى المصالح الداخليه......لم أشعر بالدور الذى يقوم به الرئيس داخلياً إلا فى المناسبات بالقاء خطبه من داخل الحزب أو بنعى اسره فلان عن حادث كذا أوكذا...فهناك العديد من الكوارث التى حلت بنا من بينها قطار الصعيد .......حادث مطروح ......انحرافات الشرطه.....العباره.....وأخيرا الدويقه .

هل كل هذه الكوارث ليست من سلطات الرئيس ان يعاقب مرتكبيها؟؟؟؟

ولكن فى كل هذا لم أجد دوراً لسيادته سوا نعى...واحيانا لا شئ......

هل هذا هوا الاداء السياسى لرئيس الدوله المصريه؟؟؟؟

نحن لا نغفل عن الدور الخارجى الملموس بعض الشئ...ولكن الداخلى أهم...يعنى أنا اكون حامى بيتى من اى اعتداء خارجى ولكن هوا فى الداخل ملئ بالمجازر والتجاوزات.....ماهى الفائده فى ذلك؟؟؟

مش هنضحك على نفسنا ونقول دى حجات تافه مينفعش نوجع دماغ الريس بيها....... امال ايه هى الحجات اللى مش تافه اللى ممكن نوجع دماغ سيادته بيها.......تصورت دائما بأن كل مايحدث وأخر شئ ممكن حدوثه هوا النائب العام أو القضاء أو حتى محكمه دوليه.......واحد ذى ممدوح اسماعيل ده قتل ألف مصرى والقضاء برئه وهرب على بره ....اين الرئيس؟؟؟؟ الدويقه من المسؤل عن ذلك ومن يحاكم هؤلاء؟؟ هل كل هذا لم يحرك ساكناً فى قلب الريس ولا هوا عايش فى وادى واحنا فى وادى تانى....اصل مش معقول أنه لم يعلم بكل هذه الاحداث ولو كان كده فعلاً يبئى دى قضيه أخرى....يبنى المفروض يكون عنده علم بأيه؟؟؟؟وهناك كارثه أخرى تجمعت فى أذهان الكثير وهى التوجه للمحكمه الدوليه فى قضايا عده ....وهناك إنكار واضح لدور الرئيس ...يعنى ايه واحد ممكن يتوجه لمحمكه دوليه لمقاضاه مسئول ما عن عمل ما مش ممكن ده يجلب لنا الكثير من التدخلات نحن فى غنى عنها ....أين دور الرئيس هنا؟؟؟؟؟ فى كل مايحدث

mocca

ضوضاء الهدوء

عندما اقوم بالذهاب إلى النوم فى سريرى وطبعاً لم يأتى النوم فور وصولى للسرير ويوجد فتره ماقبل النوم مباشراً فى إنتظار قطار النوم ليأخذنى إلى عالم الخيال ولكن طوال فتره هذا الانتظار والهدوء والظلام يجتاح غرفتى والمكان بأكمله أسمع بعض الاصوات الغريبه التى لم أجد تفسيراً لحدوثها؟؟؟

صوت شوشره وطنين لشئ ما وصوت زن عميق لم أعرف مصدره فى حين أن الهدوء يجتاح المكان وكل شئ يبدو ساكناً فى مكانه وقطعاً أن هذا الصوت له تفسير علمى أكيد بس انا لم اعرفه بعد.....لأنه لا يوجد شئ يحدث على هذا الكون إلا وله تفسير علمى.......بس الغريب هوا الهدوء والسكينه لها اصوات مزعجه كهذه؟؟؟؟؟؟ وهل هذه الاصوات هى أصوات خارجيه أم داخليه؟؟؟ نابعه من داخل الانسان؟؟؟

وهل التفكير له صوت ينتج عنه؟؟؟؟

هذه الاسئله كثيراً ما شغلت تفكيرى واحتاج الاجابه عليها وسأبحث عنها كى أجدها

mocca

مج شاى

فى حياتنا الروتينيه اليوميه وبعد كل وجبه تقريبا لابد من مج شاى بعد الاكل بساعه تقريباً حتى لا يتم حرق الحديد الموجود فى الطعام إذا تناولناه بشكل مباشر بعد الاكل كل هذا ويبدوا عادياً ومئلوفاً لدى الكثيرين.......ولكن الشئ اللى مش عادى عندما تقوم بعمل الشاى وتضع الكاتل فى الكهرباء أو البراد على النار وتقوم بعد ذلك (بتلئيم) الشاى حتى تغلى المياه وتقوم بوضعها فى المج الخاص بك وتشرب الشاى إلى أخره ولكن؟؟؟.....عندما تنتهى من الشرب وتنظر إلى قاع المج..... الطبيعى انك تجد بقايا الشاى (التفل)وطبعاً السكر يكون قد ذاب مع المياه ولكن المفاجأه هنا انك تجد مع الشاى المتراكم فى القاع حبات كثيره من الارز؟؟؟؟؟ أرز....نعم أرز وهذه هى المفاجأه التى لم أكن اتوقع ان اجدها فى الشاى اتوقع مثلا ان اجد بعض من الحجاره والرمال فى الخبز.......لكن السكر......جديده دى على ما اعتقد.....

وهذا النوع كان من بعض المواد التموينيه الحكوميه وليس الخاصه(الاسره-الطفل) والحجات الغريبه اللى طلعا دى وتقريباً لاحظت أن بمعدل 4حبات من الارز فى كل ملعقه سكر يعنى بمعدل ربع الكيلو رز والباقى سكر....يعنى عندما أريد أن اسبح بخيالى والمج بتاعى واشرب الشاى ليس من السهل علي فعل هذا ولكن لابد من مروره بعده مراحل......التقطير والتصفيه والتحليه....اقوم بتقطير السكر قبل وضعه فى المج وبعد ذلك اقوم بوضع المياه ثم تقليبهم....المرحله الثانيه التصفيه أن احضر كوب أخر واضع عليه مصفاه ثم وضع ما فى المج إلى الكوب ثم إعاده هذه المرحله ووضعه إلى المج بتاعى والمرحله الاخيره هى ان اضع بعض من السكر المنقى والشاى إلى المج لان عند مروره بتلك المراحل السابقه يكون قد فقد جزءاً من السكر والشاى.....

ولكن السؤال هنا لماذا يقوموا بفعل هذه الاعمال التى تكون مقصوده إلى حداً كبير؟؟ هل لتزويد الكيس عشان الرز رخص اليومين دول ؟؟ وهل وصل بنا الجشع إلى هذا الحد والسبت وباقى الاسبوع........ولكن نحن ننتظر ما هو الجديد فى جعبت تلك الحكومه الحاويه.....التى تفعل المستحيل

.....ولكن يجب عليا الان بعد لما اخلص كتابه الموضوع ده اروح اشوف وافحص باقى المواد يمكن اجد نووى ولا حاجه

mooca

إحنا وفلسطين والاحداث

لكى الله يا فلسطين......ولنا ظلم حكامنا

كل مايحدث الان لنا هو نتاج ما فعلناه فى أنفسنا نتيجه لأنقساماتنا الداخليه قبل الخارجيه وإننا لا نحب بعضنا ولا نحب الخير لبعضنا وعلى الجانب الأخر هناك الدجال الصهيونى الذى يخطط ويشعوز لإثاره تلك الأحداث التى يشاهدها من بعيد ونحن وبكل سهوله وعدم تفكير ننساق لمثل هذه المخططات.........

وبالنسبه لغزه فما يحدث لها هو من اختبار الله لها ولقوه وصبر شعبها المجاهد والمقاوم حتى تلك اللحظه لم يستسلم لكل هذا من قديم التاريخ ولم يستسلم لحاضر التاريخ مع كل هذه الصعاب التى تواجهه.......... أما الأحداث اليوميه فهى أحداث تعبر من أمام اعيننا... ندعوا...........ونغضب.........وندين.............ونثار............ونتظاهر.........ونحتج ........ونسب ........ونستنكر ولكن فى النهايه؟؟؟؟؟ نهبط...................وننشغل........................ونهدى.....................ونتراجع ومع مرور وطيله ايام هذه الحرب نتدرج تنازليا فى الهبوط من أعلى قمم الاحتجاج والنفور إلى قاع الهبوط والنسيان وتبقى احداث كما كانت فى السابق وتمر علينا مرور الكرام........ كل هذا الشعور الذى يجتاحنا ويعصف بنا لا يحرك ساكنا فى قلوب حكامنا ........هؤلاء يريدون الوضع كما هوا لا يريدون أن يفعلوا اى شئ وبالفعل لم يفعلوا أى شئ حتى الان ......كل ما يحدث من مفاوضات ودبلوماسيات وعلاقات فاشله على الورق وأمام الإعلام لم يجدى شيئا وتكون فى حقيقه امرها دعوه على العشاء او لعقد صفقه...... هؤلاء الطغاه نسوا الله فأنساهم أنفسهم .....ولكن نحن لا ننسى الله ولا ننسى فلسطين والعراق ...... والعراق هى الاخرى التى نجحوا فى إشغالنا عن مايحدث فيها عشرات الشهداء كل يوم هل هؤلاء ليسوا عرب؟؟؟ ولكن من السفه أن نهزم قبل دخول المعركه mocca

ظابط لكل مواطن

ما إن تذهب إلى أى مصلحه حكوميه لتنهى بعض الاوراق والكثير من الوقت الخاصه بك حتى تنتظرطويلا فى الطوابير الغير مقننه على اساس علمى وعندما يأتى دورك أمام الموظف المختص وتكون فى غايه السعاده بعد رحله طويله من العذاب فى الطابور مما يحدث فيه من مشاجرات ومشاحنات بين المنتظريين تلاقى مثلا واحد بيتعدى مكانه ويقول لك دا مكانى من امبارح ومعلش انا تعبان واشياء من هذا القبيل.....الذى يعتبر فى حد ذاته تسليه او تهوين للوقت حتى وصول دورك .......المهم عندما تتسنح لك الفرصه وتكون امام الشباك وهذه ليست نهايه المطاف ولا رحله العذاب ...تََُظهر جميع اوراقك امام الموظف وبعد فحص وتقليب لابد وان يظهر خطأ او عدم وجود ورقه مطلوبه فما العمل؟؟؟؟؟

سأسرد قصاصه صغيره حدثت معى كنت ذاهب للسجل المدنى التابع له بجوار كايرومول_الهرم لتغير بعض البيانات فى بطاقتى فدخلت ووقفت فى الطابور أنتظر وصولى للشباك وكان هناك فتاه فى العشرينات وترتدى ملابس جميله لفتت أنظار الجميع ومعها شاب فى نفس المرحله السنيه تقريبا كانت تنهى بعض اوراقها لللحاق بعمل وكانت خريجه إعلام فكان هناك مشكله فى اوراقها وطبعا الموظف لم ينهى لها اوراقها فغابت فتره وجيزه فأحضرت معها الضابط المسئول عن السجل ودخلت للموظف ومعها البيه الضابط ولم يكتمل الامر بضع دقائق وإنتهت اوراقها .......وفى نفس الوقت ايضا قام الضابط بانهاء ورق صبى لاستخراج بطاقته ومعه والدته فقال له الضابط :(أى خدمه ياعم الظابط بنفسه هوا اللى خلصلك الورق خلى امك لما تروح توزع رز بلبن على الناس وتقولهم الظابط بنفسه هوا اللى خلص لأبنى الورق) وكأنه قام بعمل رهيب او خرافى .....عشان ضابط خلص ورق لمواطن يبئى المفروض عليه اول مايروح بيته يوزع رز بلبن عالناس........فمن المفترض ان كل مواطن لابد وان يكون له ضابط خاص يسحبوا معاه فى كل مكان لينهى له أوراقه...وتقريبا هوا ده العمل الوحيد الذى يستطيعوا ان يفعلوه فقط فى حياتهم ولا يقدروا ان يفعلوا شئ سواه ...لأنهم عاجزيين ان يفعلوا شئ سواه.....

mocca

هى دى مصر؟

فى عمل فاضح لجوجل ارث كنت ابحث عن بعض المناطق فى بلدى عن طريق هذا البرنامج ولكن وجدت بعض الصور المخله لبلدى والتى تعرض عن طريق البرنامج كتعريف بالمكان والشئ المميز به وجدت صور لمقالب قمامه فوق اسطح المنازل وجدت ياعينى ناس مصريين طيبين صعيده وعمال بيشتغلوا فى امان الله وبيبتسموا كمان للبيصورهم وكل ده بحسن نيه ميعرفوش الصور وراها ايه واللى بيصورهم هيعمل بيها ايه ؟؟ مهزله بمعنى الكلمه ...ناس كل زنبها ا ن هى بتشتغل ومتمرمطا وهدومها مقطعه زنبها مش لقين وقت ولا فاضين يهتموا بمنظرهم عشان لقمه العيش ..........والمصيبه ان اللى بيصور ده سائح يعنى جى يتفصح عندنا فى بلدنا ويتصور صور تذكاريه مش يصور صور( ُفضحيه )ولكن السؤال ؟؟؟ازاى الامن يسيب الناس دى تصور كده برحتها ولا كل ده عشان كونهم سياح يعملوا اللى هما عيزينو عشان بيدخللنا فلوس يعنى والسياحه والكلام الفاضى ده اللى مضيع كرمتنا........لكن لو واحد مصرى طلع تليفونه بس وصور حاجه يا ويل امه على اللى هيحصله هيتاخد منو التليفون ويدفع فلوس .......اينعم كل ده موجود احنا مش بننكروا بس احنا المفروض علينا ان نعالج الكلام ده مش نفضحه....واينعم كمان ان الحكومه بتعتنا بنت ستين كلب وهى اللى سمحا بالكلام دا كلوا بس الواحد برضوا غيران على بلدوا ومش مستحمل يشوف عليها حجات ذى دى......ولكن الى متى ستظل جوجل فى وضع تلك الصور بما انها هى المسئوله عن هذا البرنامج وهى التى ُتصدر احدث اصداراته.........اللى كل من يهمه امر بلده ان يحاول بكافه وسائل الاتصال بتلك الشركه لرفع هذه الصور.....بس اكيد مش هى دى مصر....واليكم على سبيل المثال وليس الحصر بعض الصور

mocca

بلا هدف

تخيل نفسك وكأنك تشاهد مباراه لكره القدم بين فريقين ولكن بلا مرمى او كره سله بلا باسكت او ماتش تنس بلا مضارب اوكره يد بلا شباك او حتى لعبه رمايه بدون هدف للتصويب او ركوب خيل بلاحواجز او مباراه للهوكى بدون جليد او سباق للسباحه دون علامات او حتى دور شطرنج من غير ملك...........ماذا سيكون الوضع ؟؟؟؟؟مثلا فى مباراه كره القدم التى بدون مرمى ستكون مباراه للاستحواذ فقط ولكن بدون اهداف نفس الامر على السله او الرمايه بدون هدف للنشان عليه او ركوب خيل بلا حواجز ستسير مثل الجواد الذى تقوده بل اقل فائده منه وتكون حمل زائد او انك تلعب مبارا للهوكى ولكن على التراب اوتسبح دون علامات ستكون تائها لم تعرف لماذا تسبح واين ستذهب او حتى كأنك تلعب دور شطرنج دون ملكاً يعنى هتلعب وخلاص مفيش نهايه لللعب ده او مفيش هدف تلعبلوا........هكذا حياتنا اذ لم يكن هناك هدف واضح امامنا نسعى اليه بشتى الطرق سنصبح لاعبين بلا اهداف نلعب او نعيش للاستحواذ فقط او ننشن فى الهوا .... هل هذه هى الحياه التى ننتظرها؟

بالكاد لا .......... ليست هذه حياه........

mocca

عالم بلا اى شئ

من منا لم يحلم بهذا العالم؟؟؟؟

العالم الذى بلا أى شئ .........بلا محاكم بلا اقسام بلا قواضى بلا خلافات بلا سجناء بلا ضحايا بلا حروب.......لو كل واحد في هذا العالم كان محترما لنفسه اولاً ثم من حوله لتغير هذا العالم وكان فى حاجات كتير اوى مكنتش اتعملت......يعنى لو أنا خلتنى فى نفسى وعدلت واحترمت نفسى والناس كلها ومعملتش الشروسعيت ان اعمل الخير ولو كل واحد على كده كان هيبئى العالم كده؟؟؟؟ اكيد لا مكنش هيبئى فيه حروب ولو كل واحد احترم جاره او حتى خصمه وعدل بحق ربنا لمكنش حاجه من دى خالص حصلت اللى رايح يسرء لوكان اللى هيتسرء ده بيعدل فى امواله وبيعطف على الفقير والمحتاج مكنتش اتسرء اللى رايح يقتل ده لو كان اللى هيتقتل ده معملش فيه حاجه وحشه مكنش عمل كده لو كل واحد فينا طبق احترامه لنفسه اولا ثم الغير وعدل فى كل امور حياته لتغير هذا العالم رأسا على عقب ولكن........ لسنا ملائكه كى لا نخطئ ولا شياطين كى نخطئ

mocca

يعملوها العيال ويئع برضوا فيها العيال

نقلا عن أ أ أ ب أ أ أستاذ أحمد المسلمانى برنامج الطبعه الاولى

قررت الحكومه المصريه فتح جميع السبل والخيارات السلميه والعسكريه والتفوضيه لوقف عمليات القرصنه على السفن مما يهدد هذا أمن واقتصاد مصر فى المقام الاول مما ترتب على هذا التفكير فى جميع الخيارات حتى ولو كانت هذه القرارت من ضمنها قرار حرب............

البدايه عندما قرر بعض العيال والمتمردين والضباط السابقين فى الجيش الصومالى بتكوين مجموعه يتلقون على انفسهم القراصنه فى التكوين لعمل جميع انواع القرصنه على السفن والعبارات المدنيه والتجاريه فقط وليس العسكريه..........

القراصنه دول بيعرفوا معاد ومكان الضحيه من دول وبيتوجهوا اليها ويلفوا كام لفه حواليها وبعد كده يثبتوا الطاقم بتعها وطبعا الطاقم لاحول له ولا قوه وتقع تحت الاسر حتى يتم التفاوض عليها ..........طيب واحنا ملنا يعنى بالحوار ده ......منا جيلك أهو.......المفروض ان جميع هذه السفن تعبر عن طريق قناه السويس وتدفع الرسوم بتعتها لكن كده بئى هيضطروا انهم ميجوش عن طريق قناه السويس خالص ويلفوا عن طريق رأس الرجاء الصالح ويرييحوا دمغهم خالص من حوار القرصنه ده وبكده ولا هيجوا ناحيه القراصنه خالص ولا حتى قناه السويس وكده يتخرب بيتنا أكتر مهو مخروب واللى كانت بتجيب مليارات بعد كده مش هتجيب حاجه خالص (دا لو كنا اصلا بناخد حاجه) عشان كده قررت الحكومه ان لو لزم الامر ممكن اوى اللى احنا نعلن الحرب على حبه العيال دول

mocca

مااااااااء مااااااااء

مش هناكل لحمه السنادى ......فى تحداً صارخ للحكومه المصريه والجزاريين المصريين المتوحشين رفضت استراليا ان تقوم بتصدير خراف العيد لإنها عرفت عن طريق كمرة موبيل (اللى موديانا فى دهيه دى وفضحانا) تصوير من داخل مجزر فى البساتين عن وحشيه الجزاريين فى التعامل مع الخرفان (خرفان هه مش؟؟) قبل الذبح.....يعنى عشان الجزاريين أعدوا يجروا ورا الخروف عشان يمسكوه ويدبحوه وعمليين يسموا عليه يرفضوا يبعتلنا الدبايح.....بصراحه عندهم حق بس الكلام ده عندهم هما فى بلد بيحترموا فيها البنى أدمين قبل الحيوانات ويرفضون التعامل بأى صوره من صور الهمجيه مع اى مخلوق على هذه الارض أين كان ..... لكن عندنا عادى إحنا اصلا ًَمش بنحترم بعض والحكومه بتدينا على أفانا يبئى عيزنا نحترم الحيوانات؟؟؟؟؟

mocca

مش عايز حقى

قرر ولى العهد فى اجتماعه الأخير لأمانه الحزب الوطنى الديكتاتورى ان كل واحد فى هذه البلد سوف يأخذ حقه ايوه هياخد حقه هناخد هحقنا من الممتلكات اللى لسه متبعتش اللى هيا الاهرامات -النيل -السد العالى....دى الحجات اللى فضلا ولسه متبعتش ...طب واللى اتباع قبل كده ؟؟؟لا احنا ولاد انهردا اللى اتباع فات ومات واتحول على بنوك برا خلاص...ماشى كلام جميل ...طب وحقنا ده بئى ياعم جمال يطلع كام يعنى؟؟....يعنى المفروض إن احنا هنوزع على كل من يبلغ من العمرال 18من العمر يعنى حوالى 40مليون ليهم فى التركه دى يعنى كام يعنى؟؟؟ 2000جنيه......كام؟؟؟؟؟.....زى ماقولتلك كده بالظبط....يعنى إحنا نصيبنا فى بلدنا 2000جنيه وبعد كده ملناش اى حاجه تانيه عشان دى هتكون أخر حاجه تتباع ودى لو اتنفذت هتبئى اكبر عمليه سرقه على مر تاريخنا .....يا جمال يا دذمه يلى ملكش لزمه.....يا جمال يا جربوع هتبيع وهتخلينا نجوع .....يا جمال يا حمار دا كمان مش بالدولار......معاً ضد هذه العمليه الحقيره.......بس ياترى لو حصل كده إحنا هنرضى بكده اللى إحنا بلدنا تتباع وياريت حتى كل واحد هياخد حقه ,,,,,دى هتبئى سرقه بسرقه هه ولا هنعمل زى سعفان؟؟؟؟

mocca

الغراقه الخيانه 98

الواقعه: براءه القاتل ممدوح إسماعيل.

المكان: محكمة جنح سفاجا.

الجلسه:رقم 11

المتهم: ممدوح إسماعيل مالك العباره السلام ९८ ومجموعه اخرى من العبارات وراجل ليه تئله فى البلد ومع جمال مبارك فى الحزب والمعرتييييييييييييييييييييت الكبار ليهم معاه مصالح جمده .

عن: قتل الف مصري غرقا وتقديمهم لقروش البحر الاحمر.

.................

التفاصيل

1000دمعه حزن وقهر على الشهداء ايوه شهداء شهداء هذا النظام الفاسد شهداء الظلم شهداء الطمع والجشع شهداء الاستغلال وكل هذا يتجمع فى شخص واحد ممدوح إسماعيل تلك الامبراطوريه المحتكره.......تلك المافيا الجبانه.....جريمه متواطئ ومتورط فيها ناس وسلطات كبيره اوى متواطئ فيها حكومه بأكملها متواطئ فيها قضاء ظالم متواطئ فيها عيله القبطان (كبش الفدى) اللى لبس الاضيه .... جريمه كامله الاركان معروف مجرميها وضحاياها وكل حاجه فيها جاهزه على اعدام وده ائل واجب معاه ....مع مين يا عم؟؟؟؟؟ انتا عبيط هوا اصلا حضر الجلسات عشان يتحكم عليه حوالى عشر جلسات ولم يحضر فيها...... محكمه من غير متهم فى القفص وقال ايه بسلمتوا محدرش غير فى اخر جلسه اللى هيا فيها الحكم عشان طبعا الحكم ميتئيدش غيابى يبئا هوا كان عارف إنو هياخد براءه؟؟؟بس عرف الحكم منيييين؟؟؟؟؟هى حاجه من الاتنين يا جبها من الكنترول يا إيما دخل على النت وشفها....العمليه يا ساده مسئله صفقه ! اه صفقه هوا بييدى لقراصنه البحر فلوس على كل رحله يطلعها من الغراقات بتعتوا مقابل انهم بيدولو تأمين لو المركب غرقت وكمان تعويض على كل واحد بيموت يعنى هوا دلوقتى هياخد فلوس من الناس دول كتعويض على المركب والناس اللى إتكلت....شوفتو بئى إحنا رخاص اد ايه.......مش رخاص كمان لا دا احنا اصلا منسويش والمصيبه كمان إنهم قالوا إن الناس اللى ماتت دى كلها ممتش من الغرء شوف إزاى؟؟؟ امال ماتت إزاى؟؟؟؟ يعنى اللى كان عندو مشاكل عاطفيه وانتحر واللى عربيه هفتوا وهوا فى الميا وخد من ده كتير بس المهم انهم ممتوش من الميا قداء وقدر سبحان الله

بسم الله الرحمن الرحيم (لاتحسبن الذين قتلوا فى سبيل الله امواتا بل احياء عند ربهم يرزقون)

صدق الله العظيم

ليله سقوط الريس

احيانا يأتى على خاطرى ان اقوم بعمل جنونى من وجهه نظر الكثيرين بل ومن وجهه نظرى الا وهوا ان اطلب الحمايه من اى دوله كبرا من تلك النظام الفاسد الذى يحكمنا لاننا لم نعد قادرين على حمايه انفسنا من هؤلاء المرتزقه ولم يعد بوسعنا غير الله ان نشكوه من هؤلاء الطاغيه....

هل لو اى دوله اعلنت فرض حمايتها علينا وانها ستعزل تلك الحكومه ماذا سيكون مصيرنا؟؟؟؟ هل سيكون مثل بلاد الرافدين.....ولكن ما العمل بعد ان كشف تلك النظام النظام المصرى قهره وظلمه وخيانته لنا ولمصرنا ماذا سنفعل مع هؤلاء؟وبعد ان اثبت ولائه لأمريكا وكسب رضاها بإغلاق مدرسه الجزيره بل حرم الجزيره للعلم بإشاره من امريكا (أأفلوا دى تتأفل علطول) وأدام شويه يخشوا على جامعه الازهر بالمره مهى دى كمان بتعلم الدين ويخشوا على الجوامع هوا فى اكتر من كده ظلم......

فلماذا نستعجب من تلك الافعال الشاذه التى يفعلوها ماذا يبقى بعد ذلك.... فهذه (المافيا المباركه) نتوقع منها اى شئ

ولكن ماذا سيكون الوضع اذا فرضت احدى الدول الحمايه لنا هل سنقاومها او نأخذها بألاحضان مثل ما فعلوا الاخرون

مهوالواحد برضوا لازم يحمى نفسه بأى طريقه إيه اللى هيحصل يعنى هيجوا ويشيلوا اللمامه دول وهيظبطونا على الاخر بدال محنا بناخد على افانا من الكلاب ولود الكلب ومن اللى يسوا واللى ميسواش

ولكن امنى نفسى خيرا إن شاء الله لأن عند زوال اى نظام فاسد لابد وان تظهر جميع نواياها وافعاله الفاسده حتى يزول بإذن الله

mocca

دمج

تم دمج مدونتى الثانيه على مكتوب مع بلوجر ليصبحوا كيان واحد

الدياسه والسياسه

التعريف الحديث (للدياسه) معناها الراجل الفرىىى المتحضر الجنتل اللى مبيخفش على حرمه بيته كل المسميات تقع تحت كلمه الراجل الديوس.... حد يسئلنى ويئللى هل الدياسه ليها دعوه بالسياسه؟ ارد عليه وئوله اه ليها ازاى؟هقولك...(من وجهه نظرى) لما يكون اعد هوا ومراته وهى حطا الاحمروالاخضر ومسيبا شعرها والناس كلها بتتفرج عليهاوالشيشه بتنزلها ابل ماتنزلو وكل الحجات وهو ولا فى الدماغ.....بس برضواماقولتليش اه علاقه ده كله بالسياسه؟...... بص ياسيدى هئلك الوضع اللى حكيتهولك ده بيدل على ان الراجل ده شايف البلدعمالا بتتسرق وبتتنهب وكلو عمال يبصلها بنظره طمع وهو منفض.....وعند كل ده بيقول وانا مالى بس المهم اللى هيا مراتى اصدى بلدى هيا بتعتك ومش بتعتك بتعتك من بره بس ادام الناس بتقول دى مراتى اصدى بلدى لكن انتافى الاساس سايبها للكل عمال يبصلها وطمعان فيها.استنى رايح فين .نيجى لمراتك بلدك يعنى هيا يعينى غلبانه عوزا تبئى اجمل ست فى الدنيا والناس تبصلها بنظره تانيه مش بئلت ادب ....وانا عشان بشتغل فى كافيه فبشوف الامثله دى كل شويه ولومش مصدئنى خد مراتك واعد فى اى كافيه محترم وشوف بعينك بس اوعى تعمل ذى اخينا ده؟واشرب انتا شاى وهيا موكا وانا هعملهلها ماشى......... سؤال الحلقه س:من هو الديوس ده اللى اصدى عليه؟ لو عرفت ابعتلى

هو فيه ايه؟

اول مره فى تاريخ الدوله الدنيا تولع كده؛؛ ولما الحاجه تغلى ضعفين ومش موجوده كمان يبقى لازم نقول هو فى ايه؟...... نسئل نفسنا ايه اللى بيحصل ده وبيحصل ليه ولمين ...اللى حصل ده موجود اصلا ابل كده وكنا عيشين فيه وبنفكر فيه طول الوقت مش بمزجنا عشان الحكومه كانت ادره اللى هى تعمل كده ومتخليش حد يفكر فى حاجه غير كده لكن دلوقتى العمليه زادت اوى ليه هه؟ ممكن عشان )جيمى( يمسك الحكم والناس مش عوزاه او فى حاجه كبيره هتحصل من ورانا واحنا مش داريين؟ بس مفيش حاجه اكبر من التوريث الاجبارى واللى هما يبيعوا البلد... مهيا خلاص اتباعت فاضل ايه تانى وحتى لو باعوا حاجات من البلد واحنا رضينا بكده لازم نفوء بئا ونشوف ايه اللى هيبعوه تانى ونعمل حاجه ومنئفش نتفرج وكل واحد يخلى بالوا من سريره ...عرفتوا بئى هوا فى ايه....... mocca

لا لتجويع المصريين

مع احترامى الشديد لآخوانا الفلسطينين والريس وحركه الجدعنه اللى عملها بفتح الحدود بس بردوا معلش (اللى يعوزوا البيت يحرم على الجامع) ملايين من المصريين مش لئيين لئمه العيش الحاف ومرمين فى الشارع ولا حد سائل فيهم اشمعنا دول ياريس؟ الفلسطينين جم على مصر عشان الاكل والشرب لكن المصريين بئى هيروحوا فين؟ احنا بردوا عيزين نفك الحصار اللى علينا مش غزه بس....... mocca

ليه الجاسوس بئى جاسوس

طبعا كلنا عرفيين حكايه العالم المصرى اللى قالوا عليه جاسوس وهو عنده حق فعلا وانا ولو مكانه وحصلى نفس اللى حصله مش بعيد ابقى؟؟؟ العالم ده كرمته اتهانت على ايد مآمور قسم (عالم) بالله عليكم ده لو سافر امريكا هيعملوه ا زاى هه؟ لكن بصراحه الحقيقه تتئال اصل احنا عندنا ديمقراطيه مبتفرئش بين عالم ووزير وموظف ومواطن كله ادام المأمور سواسيه وعلى فكره طول محنا عندنا بلطجيه زى دول هيظهر جاسوس وارهابى وحرامى...... وكل حاجه اصل مفيش احسن من ان الواحد يعيش بكرمته محفوظه برضه مهما كان عالم زبال اى حد ........mocca

مصر غرئانه والمترو اتجاه واحد بس

مصر غرئانه فى مياه المطر التى تجتاح شوارعنا وقربت تخش على بيوتنا وكل ده بسبب انو مفيش صرف سالك عشان يشيل الميه لكن لو عندنا صرف زى الناس مكنش ده كله حصل المفروض بئا نركب مراكب بعد كده ونسبنا من العربيات والمترو والمترو كمان بئى اتجاه واحد (شبرا الخيمه-جامعه القاهره) بدال المنيب بس السبب مش المطر لان دى حاجه بتاعت ربنا لكن السبب فى الحكومه اللى سايبا البلد و حسبى الله ونعم الوكيل .....mocca

فتح عنييك

فتح عنييك لازم تفتح عنيك اوى على اللى بيحصل فى بلدك واوعى تقول وانا مالى عشان اللى بيقول وانا مالى بياخد على عنيه يريت كل واحد يجرب كده ويمشى بره الحيط ونشوف ايه اللى هيحصل يمكن نشوف حجات اسؤا من الحقيقه وممكن احسن من الحقيقه برده بس المهم اللى احنا نجرب ونفتح عنينا ونمشى بره الحيط يعنى اللى مشيوا جوا الحيط خدوا ايه ؟ اصل لازم نعمل كده مش بمزجنا لان احنا كده خلاص فضلنا خطوه ونقع وصدقونى مش هنعرف نقوم تانى احنا لازم نفووووء احنا عملين ننزل تحت تحت واليوم اللى بيعدى مفيش احسن منه جى يريت كل واحد يبدأ بنفسه وانا هبدأ بنفسى وافتح عينى يمكن معرفش اغمضها تانى!!!!!......mocca

احنا بتوع المترو

المترو من زاويه اخرى فهو يعتبر نموذج مصغر من الوضع اللى احنا فيه وده بيمثل المواطن المصرى والحكومه اللى عمالا تملا وتكبس فيه من هموم وغلا ومدارس واكل وشرب وشغل ...لحد اما اتملى على اخره بس فى لحظه ممكن ينفجر؟ هيعمل ايه يعينى المشاكل اكبر منه وهو مش عارف يعمل حاجه يعينى بس ممكن يعمل حاجه يخرج عن القضبان قصدى على المترو ..........وكل عام والمترو بخير..........mocca

مصر من غير رئيس

احنا زهقنا والله وتعبنا اخر تعب من الناس اللى حكمنا دول احنا عايزين نحكم نفسنا انا بقترح ان تكون مصر من غيررئيس مباشر يحكمها ويكون الحاكم الاساسى هو احنا الشعب فيها ايه يعنى ولا انا مجنون ولا ايه حد يجوبنى محنا عندنا وزرا عمللينا ايه جيبلنا الكافيه والفقروالذل والمهانه من الكلاب بتوعهم هو ده اللى فالحين فيه ...بس شوفوا بئا الاب الحنون اللى عاوز يامن مستقبل ابنه عشان البلد مفهاش شغل فحتار يشغلوا فين قال يحكم مصر وخلاص اهويئلب اكل عيشه........والله المستعان

mocca

بلطجه+سُلطه =حكومه

بلطجه+سُلطه=حكومه لو قلنا بلطجه يبقى داخليه ولو سُلطه يبقى حكومه انا مش معا الناس اللى بيقولوا ان الداخليه بتحمينا فين الحمى ده الحامى هو ربنا العالم ديه بتحمى نفسها بس وبتحمى الحرميه الكبار بس لكن احنا ولا حاجه بيتشطروا علينا احنا بس فى الاقسام (شتيمه وضرب ومهانه وكل حاجه قذره) بتحصل جوا المعتقلات الصغيره دى مهو البلد بتاعت ابوهم واحنا خدمين الباشا الحل الوحيد لكل المهازل دى هو عزل زعيم العصابه اللوا باشا يارب (الشرطه فى خدمه اهانه الشعب)............

mocca

حتى الصلاه يا كفره

حتى صلاه العيد يا كفره....فى اول ايام العيد ساعه الصلاه فى شارع (سهل حمزه بالهرم)اعتدنا على الصلاه فى هذا الشارع كل عيد وبعد ما فرشنا الارض للصلاه فوجئنا بعربيات المطافى والامن المركزى ملئت المكان وبدؤا فى رش المكان وقالو مفيش صلاه هنا فلم يكن بوسع الناس الا ان قالوا حسبى الله ونعم الوكيل واقسم ان هذا الكلام حقيقى وحصل اما نشوف هيمنعوا ايه تانى.....

mocca

مين هوا رئيس مصر القادم

مين هو رئيس مصر القادم....؟ ياترى الابن ولا الشعب بس على فكره الناس عايزه واحد يكون من الشعب احسن عشان هيكون عارف وعاش مع الناس وحاسس بيهم من الغلب والفقر والذل والجوع والسلطه وخد عندك حجات كتير من كده بس ياريت يكون الكلام ده بشكل سلمى احسن بانتخابات ولا دى كمان لائه مهو ممكن يزورو فيها زى اللى فاتت واوجه نداء للريس و هو ان يتنحى احسن عن الحكم و كفايه عليك كده وسيب فرصه لحد غيرك يمكن يعمل حاجه ونتقدم شويه بئا......

mocca

ويوا ويوا ويوا ....ِِِإيى إيى إيى....إيئ إيئ إيئ....ويو ويو ويو...طوارئ29

اتعرف قانون الطوارئ بوجود حسنى مبارك وسوف ينتهى ان شاء الله برحيله....... ما ابشع هذه الحاله التى عاشتها مصر ولسه بتعشها لحد دلوقتى من سياسه القمع والترهيب لقد ظلت هذه البلاد طوال حكم هذا الحاكم دوله بوليسيه صاحبه هدف ومبدئ واحد الا وهوا ( القمع والغطرسه) ولم يكتفى بالسبعه والعشرين عاما الماضيه بل قام بمد فتره الطوارئ لعامين قادمين ...... كى تمارس فيه هذه الحكومه كل انواع الديكتاتوريه على الشعب والصحافه والمعارضه ......... بيئول ان هوا مد الفتره عشان الاحداث الاخيره التى تشهدها البلاد وان الوضع خطير فى المنطئه...... فعشان كده هوا اصدر هذا القرار..... مع انوا قال فى برنامجه الانتخابى انه سوف يلغى هذه الحاله ومع ذلك طلع عيل ورجع فى كلامه...... هذه الحاله التى تستخدمها الحكومه ولها جميع الصلاحيات بأن تعتقل اى شخص مشتبه فيه وغير مشتبه فيه كمان تحت مظله هذا القانون الجائر وقال ايه عشان الارهاب...... 27 سنه والارهاب لم يتوف فى مصر ومازال مستمر وسيستمر حتى زوال هذا القانون....... وانا فى رأى المتواضع ان الذى حدث اخيرا فى المحله كان فبركه حكومه وهى اللى عملت كدا بمساعده البلطجيه بتوعهم عشان يلائوا حجه يقدروا يمدوا بيها هذا القانون الظالم ويقولوا ان الوضع لسه خطير وان الامن مش مستتب..... وده فى حد ذاته قصور امنى وانفلات كبير وفى الايام القادمه هيظهر العادلى فى كام حديث كده علماشى ويقول احنا ظبطنا كام خليه ارهابيه كانت بتخطط لعمليات ارهابيه فى البلد.... عشان يبئى عندهم حق فى اللى عملوه. رجاء : من كل شريف فى هذه البلد ان يحتج على هذا القانون بكل ما يملك من مدونين وصحفين واعلاميين..... وكل من يهمه اصلاح حال هذا البلد وشكرا.... mocca

كلام جرايد

فى حوار خاص لهى فوضى لبعض الوزراء طرحت عليهم بعض الاسئله و ضربواعليا بعض الاجابات

س:السيد وزير الداخليه ماهو سبب استمرارك كوزير للداخليه كل هذه المده؟

ج:خمسه وخميسه عشان انا بأدى عملى على اكمل وجهه ذى ما الكتاب بيئول بالحرف على الناس وبعلموا للظباط الصغرين عشان كده حكومتى مبسوطه منى

س:السيد وزير القوى العامله ماهو سبب كل هذا العدد من الشباب على الاهاوى والنواصى؟

ج:الحمد لله على كل شيئ دى نعمه من ربنا عشان احنا مكفيين فرص العمل للشباب وعوزيين ناس تشتغل وده دليل انا الشباب مخلصين شغلهم وبيفرفشوا شويه على الاهواى والكافيهات

س:السيد احمد نظيف رئيس الوزراء حضرتك جيت والخير جيه معاك البلد بئت اخر نظافه وحلاوه؟

ج:دى حاجه بسيطه كبدايه بس احنا بدأنا بالشركات والمصانع فى البيع (النضافه يعنى) محدش يفهم غلط كخطوه اولى ولسه ان شاء الله من غير مئطعه هنبدا بئى على الاراضى والناس ووعد منى هخليهالك اندف من الصينى بعد غسيله

س:السيد وزيرالمواصلات حضرتك بتركب ايه العصر وانتا رايح شغلك؟

ج:انا كل يوم بركب الاوتوبوس وانا رايح العصروونا جى الفجر مبلئيش الاتوبوس فبركب تاكس ومش عارف اعمل ايه نلغى المواصلات ولا نعمل ايه الناس كلها عندها عربيات ومحدش بيركب مواصلات والبلد ريئا

س:السيد وزير الاتصالات ممكن نبذه عن بعض انجازاتك فى الوزاره؟

ج:انجازات ايه بس كلوا بفضل توجيهات ااالريس وكفايه انا الناس كلها بئت مسكا موبيل والعيشه مستريحه وده اقل شئ نقدمه لهذا الشعب المكافح

س:السيد وزير التموين حضرتك بتفطر برغيف العيش ابو كام؟

ج:فى الحقيقه انا بفطر بأبو شلن لان اصلا مفيش غيره وعندنا فايض كمان مش عرفيين نوديه فين لدرجه ان احنا بنأكلوللفراخ

مع الشكر لكل الذين ساهموا فى هذه الدعوه وحضور هذا الحوار والبائى بئى اللى كان مشغول وانتوا عرفيين مشغوليتهم

نفسى فى مره اشوف محافظ ولا وزير ولا اى مسئول يطلع علهوا ويئول الحئيئه والحجات اللى مستخبيه ويبطلوا شعرات نفسى

mocca

امرائيل

الى متى سيظل هذا الصمت والخوف الشديد من امريكا واسرائيل لأمتى؟؟؟ تلك القوتين الكبيرتين هم الذين يتحكمون فى العالم بأسره وفينا احنا كمان5مليون كلب عمللينا رعب ومحتللنا واحنا مليارو كام مليون فكه المفروض انهم مسلمين وعرب ومش ادرين نفتح بؤنا والبركه فى القوادين بتعنا اللى خلو وطنا العربى بئى (جوانتاموكبير)وهما الجلادين بتوعه وخلوه سجن لينا كلنا وحبسنا فيه وبيشتطروا علينا احنا بس لكن(امرائيل) امريكا واسرائيل يعنى حاسب محدش يئدر يفتح بؤه فيهم وبئوا كلاب ليهم من اول بتاع (الوضع خطير فى المنطئه) لحد بتاع (رايس)..... فاهنفضل لحد امتى محبوسين فى السجن الكبير ده؟ mocca

السكوت علامه الرضا

احنا بنسكت ليه على اللى بيحصل فينا؟ سؤال محيرنى مش لائى ليه اى اجابه। ياترى بنسكت عشان مش ادريين نتكلم ولا عشان مبصوتيت من اللى بيحصل فينا ولا عشان راضيين بكده ولا عشان ولا عشان........ ساعات باعود اسئل نفسى ليه احنا الشعب الوحيد اللى راضى على حئه اللى ضايع واللى عمال يتاخد منه واحده واحده وهوا برضوا ساكت مش عارف ليه يعنى الكلام ده لو حصل فى اى حته تانيه مثلا سلعه سعرها يعلى بغباء مره واحده كده من غير انذار تئوم بئى الناس اللى بتفكر صح تعمل ايه يئطعوا السلعه دى ويشوفوا بديل ليها لحد ما البايع يرخص سعره غصب عنه وهيبيع بسعر ارخص عشان مايخسرس والبضاعه تبوز هوده التفكير السليم لكن احنا بئا لما نعرف ان الحاجه دى هتغلى نئوم نشترى الحاجه اللى هتغلى دى بكميات ونخزنها شوفت الدماغ عامله ازاى بالله عليكم ده تفكير سليم ؟ يبئى احنااللى بنديهم فرصه يعملوا فينا كده واكتر من كده كمان ولسه هنشوف اكتر من كده طول محنا سكتيين وفنفس الوئت تلائى الناس عمالا تتكلم ومش عاجبها حالها والاغرب كمان ان الناس عندها وعى ودرايه بكل اللى بيحصل فيها وحوليها وبيتكلموا كلام كبير موزون وواقعى بس مش عارف فى ايه برضوا والله لو كنا عملنا وئفه من الاول مكنوش ادروا يعملو حاجه تاني ......والبقيه تأتى اما نشوف

mocca

لو سئلتك انتا مصرى ئوللى ايه

لو سئلتك انتا مصرى ئوللى بىىى

ئولى متهان ابن متهان

وكل متهان يعينى عليه

ئولها بأوطى صوت

ونزل راسك لتحت

انا متهان وابويا متهان

بسمارى ولونى متهان

وبسيحان دمى متهان

على ايد ظبطها متهان

وكل متهان يعينى عليه

كل متهان يعينى عليه

ااه ااه ااه ااه ااه

ملوك الطرئعه ودى

حاجه غصب عنهم

وخانئهم انا وهفضل على البهم

غرءت فى نيلها... مصر

وحسنى حاكمها...مصر

يارب خلصها...مصر

من اللى حكمنها...مصر

يارب احميها....مصر

انصرها عليها

احميها من كل شر؟؟؟؟؟

مع الاعتذار لمصريتى واحسن شعب فى الدنيا

وانا والله مئصدش اى اهانه لحبيبتى مصر

واعتذار خاص لنانسى

mocca

الكرنك

شك.....مراقبه.....ضبط......اتهام.....

تلفيئ.....تعذيب.......ضياع .......موت

ليه كده هه..... بيعملوا كل ده فينا ليه وعشان ايه وعشان خاطر مين

احنا اصبحنا الان نتفنن ونتلزز بابتكار اساليب التعذيب وممارسته بئينا بنخترع طرء جديده

للتعذيب وبئينا فى صداره الدول الراعيه للتعذيب والمصدره لهو......امريكا واسرائيل يجوا جمبنا ايه دول.....

مين الللى بيعذب ده؟هوا انسان ولا حيوان ولا اله ولا ايه بالظبط الحئيئه المئلمه انه المفروض يكون انسان يعنى بنى ادم

بيحس وبيتالم اصل لو كان حيوان ولا اله مكنش بئا عليه لوم لكن ده انسان بيفكر وعارف بيعمل ايه ......مين اللى بيأمره ده؟هتلئيه

برضوا بنى ادم زيه .....ومين اللى بيأمر اللى بيأمر ده؟برضوا بنى ادم زيهم..... ومين اللى بيأمر اللى بيأمر اللى بيأمر اللى بيأمر دول؟

حاسب من ده بس برضوا زيهم......لكن مين اللى بيأمرنا احنا؟ربنا........لو بصينا هنلائى ان هيا سلسله كبييييره مليانه سلاسل صغيره الكبيربيأمر الصغير والصغير بيأمر الاصغر على كده علطول

بس انا بصراحه بأكن بكل احترام وتقدير لهذه الشبكه الاجراميه(العادلى جروب)

واحييهاعشان الروح اللى عندهم والاداء الجماعى واخلاصهم فى العمل وتلائيهم كلهم اصرار وعزيمه

ملئتهاش فى اى جروب تانى (اصل هيا جروبات) لو اتسرقت حاجتك ترجعلك فى ثانيه الا تلت لو راكب

موصلات اسئل اى سواء وهو ا يحكيلك على اخلاصهم ومعملتهم الحلوه....................

ويبختهم دوول بتوع الشرطه مجهزنلهم حبه عربيات ومتسيكلات عزيروو اشى مرسيدس وهوندا ومروئنهم اخر ترويئ

وبنزين بلوشى عشان يعرفوا يتفسحوا كويس اصدى عشان يعرفوا يمسكوا الحرميه كويس وكده يعنى وشعارها

(كل ماتضرب وتهيين اكتر كل ما تفضل على كرسيك اكتر واكتر)

لو بصينا مثلا لاعتقال أ।د\ابراهيم الزعفرانى وغيره بس اشمعنا ده يعنى هه؟مهو فى مدونين كتير اوى وبيكتبوا بجرئه كبيره جدا

بس هما بيطبئوا المثل بتاع(اضرب المربوط يخاف السايب) عبط اووى الناس ديه دا ما يضربوا الكبير هايجمد الصغير اكتر من الاول

وعلى فكره الفكر الساسج اللى بيعملوه ده مش هينفع معانا واحنا خلاص عرفناهم وعرفنا بيفكروا ازاى ومش هياكل ولا يشرب معانا الكلام

ده ......واليكم بعض الصور التذكاريه لهذا الجروب........زعيم العصابه

والنبى والنبى

الارض لو عطشانه

بجزم

تلاته على واحد

على افاه وبشلوت

فن التعذيب

ده ائل واجب

نكسه 25/1

طبعا كل سنه وكل ظابط يهين المواطن بخير طبعا اليوم ده يوم نكسه الشعب المتهان من رجال الشرطه وفى الحقيقه ميستهلوش لقب رجال شرطه ....فين المرجله دى؟ بس طبعا فى قله من الرجال دول فعلا رجاله ويستحقوا كل تقدير وهما دول اللى يتعملهم عيد بجد عشان دول بيضحوا فعلا بحياتهم لانقاذ حياه اخرين وكلنا عرفين الظابط اللى اتقتل وهوا بيطارد ناس خطفوا بنت وكانو هيغتصبوها فى البدرشين........ لكن البقيين ميستهلوش نتكلم عليهم ونعملهم عيد مهما ليهم حق يعملوا اكتر من كده ويتمرعوا علينا وسيبين الحرميه دايره فى البلد والمخدرات والشباب تبوظ....... يبقى الناس دى تستحق يتعملهم عيد؟؟؟؟

mocca

ضحكو عليه وسرقوا كليته

فى احدى البرامج الفضائيه اتشديت لحوار مع شخص من اطفال الشوارع الشخص ده طبعا مش متعلم وعشان هو مش متعلم يبقى لازم يتهان ويضرب ويضحك عليه اضحك عليه لما راح يكشف عشان يسافر بعد كده كليته اتسرقت من دكتوره مش فاكر اسمها ماتستحئش اصلا تبقى دكتوره عشان معندهاش شرف اللى هيا تعمل جريمه زى دى ॥واتهان لما راح يبلغ عن السرقه (الظابط راح ضربوا وقلو امشى يلى) عشان مش متعلم لكن لو حد تانى مسنود الدنيا تقوم ومتعدش لكن ده عشان غلبان ... ياخد على افاه شوفتو الظلم وصل لحد فين فى اكتر من كده بس اللى بيحصل ده كله كلنا مشتركين فيه عشان احنا سلبين وبنخاف وكله بيقول وانا مالى هو انا هصلح الكون...ايوة هتصلح الكون فيها ايه يعنى

mocca

البشره

البشره ..... فى ظل مايحدث الان فى مصر من احداث ماساويه بطاله\ظلم\فقر\سلُطه\وكل حاجه الا ان البشره قادمه وانا اامل خير ان فى حاجه فى مصر هتحصل ويكون تغير كبير ان شاء الله عشان كده بجد خلاص وعوزيين نبقى زى الناس التانيه اللى سبقانا سبقانا ايه احنا اصلا مدخلناش السباق احنا فى عالم خامس والله السبب من الحكومه دى لوتتغير هنبقى احسن احنا عايزين ناس تانيه خالص يكونوا مصريين بجد وبيحبوا البلد دى مش يحبوا الكرسى والمنصب...... يارب..........mooca

هى فوضى؟

هى فوضى......؟ فعلا فوضى اصبحت الفوضى سمة من سمات نظام الحكم فى كل مصلحة حكومية لازم تلاقى فوضى وتسيب عشان مفيش رقيب او مسؤل يسال عن الكلام دة مواصلات ।مصالح ।مدارس.....وحجات كتير اوى ومحدش سائل ارجو من الناس اولا قبل الحكومة بالالتزام ومن الحكومة بالتسهيلات على المواطنين.....يارب

mocca

عليا النعمه زهئت

التغير احنا زهقنا والله وتعبنا اخر تعب من الناس اللى حكمنا دول احنا عايزين نحكم نفسنا انا بقترح ان تكون مصر من غيررئيس مباشر يحكمها ويكون الحاكم الاساسى هو احنا الشعب فيها ايه يعنى ولا انا مجنون ولا ايه حد يجوبنى محنا عندنا وزرا عمللينا ايه جيبلنا الكافيه والفقروالذل والمهانه من الكلاب بتوعهم هو ده اللى فالحين فيه ...بس شوفوا بئا الاب الحنون اللى عاوز يامن مستقبل ابنه عشان البلد مفهاش شغل فحتار يشغلوا فين قال يحكم مصر وخلاص اهو يقلب اكل عيشه........والله المستعان

mocca

هى فوضى؟

اخترت هى فوضى عشان فعلا هى فوضى وبلطجه واصبح البقاء للاقوىوالمحمى والغلبان يعينى واللى ماشى جوا الحيط يخدوا على افاهم هو ده اللى سايد عندنا دلوقتى والبركه فى الريس وحكومته اللى مش عارفين هيودونا لحد فين معاهم انا كل اللى غيزنى حكايه الظباط دول والكلاب بتوعهم (الاومنه)وخدنها عافيه على الناس وطبس للواحد من دول تلقيه اصلا ماينفعش زبال ورغم كل ده بيتنكوا على الخلق وبيعملوهم بااسلوب اقذر مايمكن مش عارف على ايه اصل هما ولاد الحكومه واحنا ولا الفلاحين الغلابه الكلام عليهم هيطول بس انا مستخسر اكلم عليهم بس الواحد برده لازم يفضحهم mocca